Weather (state,county)

Media-Solutin.jpg

Breaking News

پاکستان کا جوہری ہتھیار لے جانے کی صلاحیت کے حامل میزائل کا تجربہ


بیان کے مطابق اس تجربے کا مقصد اس بیلسٹک میزائل کو ڈیزائن اور تکنیکی حوالوں سے ٹیسٹ کرنا تھا

پاکستانی فوج کی جانب سے ایک بیان میں کہا گیا ہے کہ پیر کے روز زمین سے زمین پر مار کرنے والے بیلسٹک میزائل شاہین سوم کا کامیاب تجربہ کیا گیا ہے۔

پاکستانی فوج کے شعبہ تعلقات عامہ آئی ایس پی آر کی جانب سے جاری کردہ ایک بیان میں کہا گیا ہے کہ شاہین سوم جوہری اور روایتی وار ہیڈز لے جانے کی صلاحیت رکھتا ہے اور اس کی مار 2750 کلومیٹر ہے۔

بیان کے مطابق اس تجربے کا مقصد اس بیلسٹک میزائل کو ڈیزائن اور تکنیکی حوالوں سے ٹیسٹ کرنا تھا۔

میزائل کے اس کامیاب تجربے کو سٹریٹیجک پلان ڈویژن، سٹیریٹیجک فورسز کے اعلیٰ افسران، سائنس دانوں اور انجینیئروں نے دیکھا۔

سٹریٹیجک پلان ڈویژن کے ڈائریکٹر جنرل لیفٹیننٹ جنرل زبیر محمود حیات نے اس تجربے کو ملک کی دفاعی قابلیت کو مضبوط کرنے میں اہم قدم قرار دیا۔

یاد رہے کہ پچھلے سال نومبر میں پاکستان نے جوہری ہتھیار لے جانے کی صلاحیت کے حامل درمیانے فاصلے تک مار کرنے والے بیلیسٹک میزائل شاہین ون اے حتف فور کا کامیاب تجربہ کیا تھا۔

پاکستان فوج کے شعبہ تعلقات عامہ کے ادارے آئی ایس پی آر کے مطابق یہ میزائل 900 کلومیٹر تک ہدف کو نشانہ بنانے کی صلاحیت رکھتا ہے۔

تجربے کے وقت ماہرین کی ٹیم کے علاوہ اعلیٰ عسکری حکام بھی موجود تھے۔

No comments