برطانوی کمپنی نے ایک ساتھ ٹماٹر اور آلو پیدا کرنے والا پودا متعارف کرادیا ہے


اگر آپ آلو پکانا چاہ رہے ہیں تو ٹماٹروں کی ضرورت تو
پڑے گی ہی اور اگر آپ کے گھر میں ایک ایسا آلو کا پودا ہو کہ جس پر ٹماٹر بھی لگتے ہوں تو اس سے بڑی سہولت اور کیا ہوگی۔
گزشتہ سال برطانوی سائنسدانوں نے ایک ایسے پودے پر تجربات شروع کیے جس کی جڑوں میں آلو پیدا ہوتے ہیں جب کہ اس کی شاخوں پر سرخ سرخ ٹماٹر اگتے ہیں۔ اس پودے کو ’’ٹوم ٹاٹو کا نام دیا گیا ہے کیونکہ اس سے حاصل ہونے والے آلوؤں سے فرنچ فرائی بنائیں گے جب کہ ٹماٹر کے ساتھ تازہ کیچپ بنائیں گے۔
یہ منفرد پودا ٹیریٹوریل سیڈ کمپنی نے تیار کیا ہے اور اب اس کی برطانیہ، امریکہ اور کئی دیگر ممالک میں فراہمی شروع کردی گئی ہے۔
یہ پودا گملے میں بھی لگایا جاسکتا ہے جب کہ گملے سے باہر زمین میں بھی یہ خوب پھلتا پھولتا ہے۔ سائنسدانوں کا کہنا ہے کہ ہر پودے کی پیوندکاری ہاتھ سے کی جاتی ہے اور یہ پودا 100 فیصد قدرتی ہے یعنی اسے کسی بھی جینیاتی عمل کے ذریعے تیار نہیں کیا گیا ہےاور اس پر لگنے والے ٹماٹروں اور آلوؤں کا ذائقہ بھی 100 فیصد قدرتی ہے۔