گلگت بلتستان: بس پر فائرنگ، چار ہلاک

گلگت بلتستان میں پولیس حکام کا کہنا ہے کہ نامعلوم حملہ آوروں نے بدھ کو ایک وین پر فائرنگ کی ہے جس کے نتیجے میں چار افراد ہلاک جبکہ چھ افراد زخمی ہوگئے ہیں۔
مسافر وین بسین سے گلگت شہر کی طرف آرہی تھی                                           
گلگت میں پولیس کا کہنا ہے کہ ایک مسافر وین بسین سے گلگت شہر کی طرف آرہی تھی کہ ایمپھیری کے مقام پر نامعلوم افراد نے اس پر فائرنگ کی جس کے نتیجے میں چار افراد ہلاک ہوگئے ہیں جبکہ چھ افراد زخمی ہوئے ہیں۔ حکام کا کہنا ہے کہ حملہ آور موقع سے فرار ہونے میں کامیاب ہوگئے۔
پولیس کا کہنا ہے کہ یہ واردات فرقہ وارانہ ہوسکتی ہے۔
اسی دوران گلگت شہر میں بھی نامعلوم افراد نے فائرنگ کی تاہم اس میں کوئی نقصان نہیں ہوا ہے۔
واضح رہے کہ وزیر اعظم نے منگل کی شام کو گلگت میں ایک جلسے سے خطاب کرتے ہوئے دونوں فرقوں سے اپیل کی تھی کہ وہ پر امن رہیں۔